是咁的
之前屋企有一群強強(疑似一家),被我家人所滅,但懷疑清唔晒,係一個禮拜之後又被我發現有強強
呢次係我第一次係廚房發現小強
我發現地點同上次一樣,係廚房,係我夜晚煮燒夜既時候開米缸發現一隻
咁我咪拎膠手套+膠袋捉左隻野佢,再清潔晒成個櫃佢,點知一清,發現有4隻定唔知5隻,分別都係個櫃入邊唔同既碗碟
(即係係米缸有1隻,其他碗碟間有4/5隻)
而全個廚房,我睇過晒,得一個櫃入邊有強強,當然啦,用肉眼睇,未必準
咁之後以後再無小強啦,點知一個星期之後,呀Hi,又有發現
岩岩我搞晒d野,準備訓,點知突然直覺話我知廚房有小強(唔好問我姐係點,我都懷疑自己係新人類 )
呢次係廚房對門到,咁我就用化學武器對付,之後再清下上次同一個櫃啦
呀Hi,又發現一隻,但米缸無強強
呢兩次見到既小強好似係同種,我唔識分但我睇唔到兩次發現既小強外表有明顯既發別
大細方面,兩次發現既小強都差唔多,大概四份三包紙巾咁大
再講下個櫃,個櫃係洗碗盤下底,因此個櫃係貼住地下(有無人明我up what 7 ?)
當個櫃係一間房,個櫃既深處既「地下」有米,但該位置應該唔會有米
因為就算由米缸拎米都唔會掉到該位置,我懷疑係小強搬過去,但我唔知小強識唔識搬食物同留住d食物
有無大師可以話我知我屋企點解咁多強強?明明好乾淨
每個禮拜清一次果個櫃,真係唔洗訓
因為d小強,我諗左d 傻的嗎既方案,例如係個櫃入面裝d燈,咁小強怕光就唔會走入去
廚房燈長開
買$100辣椒仔,之後整碎佢放係個櫃到
到底下次見到小強既話,應該點做?
|